Jadi gene jeng, sebelomnye gue mo tanya nih, bener pan komuk cewek entu keliatan lebih tuir dibandingkan suaminye, walaupun umur si cewek jauh lebih mude??????

Nah buat lo jeng kagak usah kuatir, karne gue bang petruk punye solusinye,

Begini jeng:

1. Kudu banyakin senyum

Dari survei gue n mamat gosrek 80% cewek entu suka pasang komuk judes kalo nyang ngedeketin/ godain cowok jelek. Bener kagak?

Kudu nye lo senyum2 aje jeng, karne kalo yang godain lo entu lo senyumin lo jeng, maka lo bakal dapet pahala n obat awet muda jeng.


2. banyakin ketawa

nih jeng biar lo awet mude jeng, lo kudu banyakin ketawa jeng, jangan mikirin baju lebaran, tas hermes, sepatu hak tikung dll.

lo rilex aje di depan layar stel pilem abdel n temon, mr bean, spong bob. jangan stel kuci kuci hotahe, nyang ada lo mewek jadi cepet tuir.


3. Maen same bocah

Ni juge ngaruh jeng, konon kate orang dulu maen ame bicah lo bakalan ngikut mude jeng, jangan kebanyakan maen sama om2 kumisan, tar dipatil jadi cepet tuir

4. Jangan sering dangdan,

kenape gue bilang jangan sering dangdan jeng?,
konon kalo sering dangdan entu muke lo entu udeh kecampur ame bahan2 kimia jeng, kalo komuk udeh kena bahan kimia tu komuk kagak bakalan fresh lagi, n kalo udeh kena aer berubah ibarat kerupuk kulit.

5. kudu sering olah raga

Nah eni perlu juge jeng, biar body lo padet n bebentuk mirip biola spanyol jeng, jangan males buat olah raga nyang ade tar body lo mirip tabung gas 30kg.


Dah gitu dulu ye tips dari bang petruk moga bermanfaat

Bye2